„რომეო და ჯულიეტას“ ახალი თარგმანის წარდგენა

15 მარტს „დიოგენე“ მკითხველებს წარუდგენს უილიამ შექსპირის კლასიკური პიესის – „რომეო და ჯულიეტას“ – ახალ თარგმანს, რომელიც დავით ახალაძემ თარგმნა.

მსოფლიო ლიტერატურის ყველაზე სახელგანთქმული შეყვარებულების, რომეოსა და ჯულიეტას, ხანმოკლე ვნებისა და ტრაგიკული აღსასრულის ამბავი ნებისმიერმა იცის, მაგრამ ბევრმა მხოლოდ მეორადი წყაროდან – ფილმიდან, სპექტაკლიდან, ადაპტირებული ვერსიიდან. პირველწყაროს ხელში ასაღებად მკითხველს ბევრი წინაღობის გადალახვა უწევს. თუმცა ამ თარგმანის წაკითხვისას დიდი სიამოვნება გელით. წიგნი გამოიცა „მწერალთა სახლის“ მხარდაჭერით.

• წიგნის წარდგენას გაუძღვება გიორგი ლობჟანიძე
• თარგმანსა და თარგმნის პროცესზე ისაუბრებს დავით ახალაძე
• ახალგაზრდა მსახიობები წაიკითხავენ რამდენიმე ეპიზოდს პიესიდან

ღონისძიება გაიმართება „მწერალთა სახლში“ – ივანე მაჩაბლის ქ. 13, 15 მარტს, 18:30 საათზე.